ثلاث ايام تهجرني

ثلاث ايام غايب ,, كيف انا صابر ثلاث ايام
اكابر واكتم جروحي مخافة هـرج عذالـي
يمر اليوم كنه عام ,, كيف ان غبت عني عام
حسبت الفرح في قربك ولو ماشفتك اشوا لي
عرفت ان الثواني غاليه ماهيب عـد ارقـام
وانا صابر على الرجوا تجي في يومي التالي
عطيتك قلبي العامر طلبتك لا يصير حطـام
تبصر بي وجاملني ولا تسلى عـن احوالـي
تذكر عشقي الطاهر وكيف نصوغ منه احلام
تذكر جفني الغافـي تذكـر قلبـي السالـي
بقربك كانت الذكرى وراحت كالسراب اوهام
تبدل كل مافيها ,, تشتـت فكـري الخالـي
وجور الوقت ماقصر بقلبي والضلوع حيـام
نشف بير الغلا ما يـارده رجلـي وخيالـي
ابصبر والنوايـا صادقـه والقلـب ماينـلام
عطيته درس فاللوعه واظنـك دالـه البالـي
وانا ما ابدل النيـه ولوقلـب العنـا منضـام
تجي غالي على قلبي وتبعد وانتـه الغالـي
ثلاث ايام تهجرني وانا صابـر ثـلاث ايـام
دخيلك لاتعذبنـي ,, تشمـت فـي عذالـي




وسلامتكم